ANA, ADA y Aruba Bank ta trece pa dilanti e “Historia di Deporte na Aruba”

E aña aki un biaha mas Fundacion Amigo di Archivo (ADA) hunto cu Archivo Nacional Aruba (ANA) ta organisa un dia cultural na oficina di ANA, unda cu henter comunidad di Aruba ta invita pa bin haya sa mas tocante e historia di Aruba y su comunidad.

E tema di e exposicion e aña aki ta ‘Historia di Deporte na Aruba’. Aruba Bank ta sostene e evento cultural aki den forma di patrocinio. Cu e meta pa yuda engrandece nos cultura y e evento anual di 18 di Maart, Aruba Bank den cooperacion cu ANA lo enfoca ariba un pilar importante di nos comunidad y esaki ta deporte.

Pa celebra durante henter luna di Maart e himno y bandera, cultura y hendenan, Aruba Bank y ADA lo trece dilanti un tiki di e historia di deporte. Aruba Bank, ADA y ANA ta invita pueblo di Aruba pa bin mira e exposicion di Historia di Deporte na Aruba dia 18 di Maart desde 9or di mainta pa 6or di atardi. Durante e dia aki tambe lo tin un presentacion di baile cultural, acompaña pa musica y cuminda crioyo.