Ta yegando na fin di 2019 y e conclusion cu Director di Oficina pa Prevencion di Desaster por saca ta cu e aña’ki tabata un aña hopi pisa pa nan. No solamente tin cu cumpli cu exigencianan di instancianan internacional pa wak con bon prepara Aruba ta, segun Rino Hermans, hefe di e departamento.
Tabata tin e crisis di Venezuela cu a tuma tempo. Tin cu busca e partinan unda logistica ta deficiente pa mehora esaki, y percura pa tin hermentnan na nan luga pa pa e dienstnan funciona si e explosion di Venezuela tin efecto riba nos. Di otro banda, na final ta satisfecho pasobra e parti positivo ta cu e temporada di horcan no a influencia mucho y a duna nan espacio pa caba cu e programa di aña cu lo bira e mesun programa di 2020: 3 training grandi 6 training chikito.
E crisis migratorio di Venezuela ta keda un prioridad pa mayoria di instancianan y gobiernonan regional, igual pa Aruba. Esey ta un di e partinan cu ta tumando basta tempo di Prevencion di Desaster.
E ta bay influencia full e sistema di opera na Aruba y ta e tarea pa Rampenbureau pa Aruba no crash. Ta den contacto cu e instancianan constante riba con bon nan ta prepara y kico nan falta, pa por percura p’esey.
2019 a pone algun miyon disponibel pa sostene Rampenbureau logisticamente. Esey a costa cu mester a traha tur e plannan cu ta duradero, con ta bay maneha e crisis pero pa un termino largo.
For di 2006 Aruba ta prepara pa e situacion di Venezuela y awor ta mira cu e ta empeorando, cu ta cuminsa haci efectonan directo y visibel pa e comunidad Arubiano.
2020 no ta spera cu e ta bay bira menos.
Rino Hermans ta gradici tur dienst pa nan cooperacion, incluyendo Ministerraad. Ora a acerca nan cu e situacion cu mester cierto decisionnan na nivel di minister, ta haya e cooperacion pa por maneha e crisis riba papel.
Realidad ta bira full un otro storia. 2019 a cera Rampenbureau cu un cyberattack cu tabata tin añanan largo ta monitorea y traha riba dje con ta responde. Pero un crisis ta keda un crisis.
Na momento cu presenta riba papel, ta algo, pero realidad ta full un otro situacion cu ta tuma oranan di reunion pa por bin cu un plan di accion y e obhetivonan cu bo kier alcansa y den cuanto tempo.
December a habri nan cu cyberattack na Aruba. A experenci’e pa prome biaha den e forma aki y cual tambe ta tuma su tempo y naturalmente ta siña for di dje.
Lo bay tin hopi adaptacion den 2020 for di punto di bista di Rampenbureau riba e plannan d contingencia cu tin cu traha riba dje.
