Kustwacht di Caribe Hulandes ta contento cu e desaroyo cu tabatin den 2019, principalmente pa loke ta e trabounan di droganan intercepta cu nan a haci.

Bosero di Kustwacht di Caribe Hulandes sra Shalick Clement, den declaracion na 24ora.com a bisa cu a ligra confisca algun boto y detene varios persona. E cantidad di mercancia confisca ta hopi y ta surpasa loke a confisca den 2018.

Aña 2019 ta un aña record pa Kustwacht di Caribe Hulandes

Aña 2019 ta un aña record pa Kustwacht di Caribe Hulandes. Click link pa mas https://24ora.tv/333GTtD

Posted by 24ora on Monday, November 18, 2019

E ta practicamente dobel. Na 2018 a confisca mas o menos 2 mil kilo y e aña’ki faltando un luna pa aña finalisa, a confisca dobel di e cantidad ey. “Trahando cu varios partner den e cadena di husticia, inclusive Mericanonan, a logra confisca te awo casi 10 mil kilo y ainda aña no a caba.”

Mayoria di e droga cu ta circula den e area di e islanan Hulandes ta destina pa exterior, paisnan mas grandi. Pues pa un di e paisnan Latino y despues sigui pa Europa. Esaki ta e motibo, segun sra. Clement, cu den colaboracion cu partnernan di bisindario pa por haci e detencionnan necesario.“Nos ta satisfecho di logra kita un parti grandi di e droga for di riba mercado (caya),” el a bisa. E cifra di esnan indocumenta aresta y tambe arma a keda practicamente mescos. Na aña 2018 a detene rond di 240 persona ilegal y faltando un luna y mey pa aña finalisa, e cifra ta un poco menos cu e total menciona.

Mayoria di e casonan di Kustwacht ta atende cun’e ta concentra na Aruba y Corsou, y Boneiro un tiki menos. Ta papia aki tanto di intentonan pa drenta droga na e islanan, como personanan cu kier pasa e frontera di un forma ilegal. P’esey Warda Costa ta concentra hopi riba e dos islanan aki. Y e dolor di cabes di Venezuela ta keda presente, mirando e situacion reinante na e pais. Asina mes, segun Clement, e ta kere cu e lo keda un cifra, na final, compara cu aña pasa. Normalmente ora cu detene personanan ilegal, ta pasa tur mercancia confisca y personal pa Cuerpo Policial.

Comments

comments