“Nunca mi a mira asina hopi hende contento ta traha asina duro. Esaki ta un luga tremendo cu diversion tur caminda skirbi!” Kathy, Tom, Brian, Betsy, Jeff y Essie, en corto, “Cherry’s Entourage”, a bisa. E ehecutivonan di companianan Mericano ta for di Philadelphia, y nan ta loco cu Nos Clubhuis. “Naome, Tess y e otro miembronan di staff ta excepcional, great y increibel,” nan a expresa.
Nos Clubhuis ta un luga relaha net riba Hadicurari Restaurant. Mientras cu Kathy, Tom, Brian, Betsy, Jeff y Essie ta kedando na Marriott, e bar ta net banda di nan hotel. E tres parehanan, dos di cual a yega di bin Aruba caba, ta riba e isla pa celebra un di 60 cumpleaños. Asina ta feliz cumpleaños, disfruta di boso trip y bin bek pronto pa mas experiencia na Nos Clubhuis! Pasa pret.
