Diabierna anochi 24ora.com a entrevista Oztrick Jansen relaciona cu un caso cu a conmove comunidad despues cu un hoben a keda seriamente herida.

Diabierna anochi nos a combersa cu Oztrick Jansen, conoci como MC Oz, kende a conta nos un storia cu tin comunidad conmociona di un motociclista cu a haya un accidente na comienso di siman na e rotonde nobo di Ponton. Ta trata aki di un persecusion cu a cuminsa for di Dakota y a caba na Ponton. Un persecusion cu a trece hopi duda pa loke ta integridad di Cuerpo Policial. 

MC Oz a tribi di cuestiona esaki y Cuerpo Policial ta reacciona cu un comunicado, anunciando cu tin un investigacion andando contra e polis cu a inicia cu un persecusion, cual hopi ta considera iresponsabel. Awo e motociclista ta gravemente herida na hospital.

E situacion aki tin Oz conmovi y indigna con polis a maneha e asunto.

El a splica cu nan ta fada con polis ta trata hende. Tin ta haci nan trabao manera mester ta y tin otronan cu ta daña pa otro.

E ta conta cu e mes no a papia cu e victima. No ta tur hende a wak’e ainda, mirando cu e ta critico. E tin hopi sla, e no por papia. No ta hopi contacto por tin cun’e. Oz ta haya straño con e suceso a caba y con esaki a yega den comunidad.

Con e suceso a tuma luga, Oz no sa, pero contal entre di Dakota pa e rotonde di Sero Patrishi, con a yeg’e e no sa. Segun testigonan, nan a touch e victima un tiki, dal den un auto cu tabata biniendo y pa colmo e chauffeur envolvi, a post cu nan a dal’e.

Oz ta sinti cu polis a pon’e keda keto, pasobra e sa cu hopi biaha tin accidente ta pasa marduga, parlamentarionan burachi cu ta subi rotonde, ministernan burachi cu ta subi rotonde, polisnan burachi cu ta subi rotonde, nan ta apto pa atende cu e situacion, pero djis cu e momento eynan, nan no kier sali den publicidad.

E ora kico ta haci, ta keda keto, segun Oz. E ta conta cu el a yega di wak e cos ey pasa. Door cu OZ ta fada di e abuso ey e ta durf di bisa. E no ta worry cu rabia of no pasobra no ta husto loke nan ta haci. Polis ta abusa di poder. 

E victima ta traha pa un contratista. E brommer tabata su unico cos di core. Berdad e no tabata tin helm. Ta deber pa par’e y dun’e un boet of hala su atencion. Oz a yega di haya su mes den confrontacion cu polis, pero toch el a haya chens di sali bay toch, aunke el a pasa den verboden.

Maltrato ta otro level, maltrato ta otro cos bo ta haciendo. Awo Oz ta cuestiona si pa e hendenan aki cuminsa maltrata e polis aki bek? Ta rabia ta keda crea y mas bo keda haci e cos aki, aki paar di tempo no tin ningun hende pa para nan. No ta un nan ta. Ta hopi nan ta. Nan ta mas hopi cu cualkier polis eyfo, segun Oz. Nan ta respeta polis, pero polis tambe mester respeta.

Amigonan di e victima di persecucion di Polis tras di motociclista ta exigi husticia

Amigonan di e victima di persecucion di Polis tras di motociclista ta Exigi husticia

Posted by 24ora on Friday, October 18, 2019

Comments

comments