Aruba Airport Authority N.V. (AAA) a ricibi e grato noticia cu servicio nobo ta bai cuminsa pa Aruba desde December 2018 for di 2 destinacion nobo cu American Airlines.

Un buelo semanal for di Dallas, Texas (DFW) y buelo semanal for di Chicago, Illinois (ORD) lo wordo opera pa American Airlines cuminsando 22 di December, 2018.  American Airlines, cu ta opera na Aruba desde 1971 lo expande nan rutanan den e mercado Mericano for di Aruba ainda mas.

AAA su Air Service Development Manager, Jo-Anne Arends a bisa cu Aeropuerto di Aruba tabata hopi contento, satisfecho y orguyoso di por tabata parti di e ekipo cu a haci e 2 rutanan nobo aki di American Airlines bira realidad. “Conectando Aruba cu Dallas no ta nifica solamente un ruta nobo pa Aruba den e area mid-West di Merca, pero lo nifica coneccionnan nobo despues di e destinacion den e mercadonan West di Merca. E servicio semanal pa Chicago lo agrega na e varios rutanan disponibel na tanto nos mercado Mericano y local den e parti Midwest di Merca. Ambos buelo lo nifica 16,640 asiento extra cu ta yega na un capacidad total di 916,520 for di Merca pa 2018 y un capacidad di asiento extra di 6,400 pa e temporada di winter 2018/2019”.

Jo-Anne Arends a sigui bisando cu e ekipo di Aruba a consisti di miembronan di Aeropuerto di Aruba y Aruba Tourism Authority (ATA) cu tabata den negociacion cu American Airlines pa desaroya e rutanan pa Aruba y pa expande e portfolio. “Awe nos ta contento pa join e anuncio di American Airlines di e 2 buelonan adicional”, Sra. Arends a sigui splica cu specialmente e ruta for di DFW ta importante pa e desaroyo strategico di servicio aereo di e aeropuerto pa e mercado Mericano, yegando asina den e area west y brinda coneccionnan conviniente pa e mercado ei pa Aruba.

Esaki ta e anuncio mas nobo for di American Airlines pa loke ta trata servicio nobo. E rutanan nobo lo yuda pusha e aerolinea basa na Fort Worth su servicionan durante e lunanan di winter entre DFW, ORD y Aruba cu lo wordo opera cu e aerolinea su avionnan B737-800. American Airlines tin 2 buelo diario (14) semanal pa Aruba for di Miami, 12 buelo semanal for di Charlotte y 5 buelo semanal for di Philadelphia.

Hopi di e rutanan nobo ta enfoca pa conecta ciudadnan chikito cu un di e hubnan grandi di American pa crea cobinacionnan di ciudad pa e clientenan. E coneccionnan lo yuda hiba clientenan di mercadonan mas chikito pa hubnan unda nan por subi riba buelonan internacional.

Aruba su partnership extensor cu American Airlines lo sigui hisa e isla su turismo y sigui fortifica e partnership di mas di 45 anja cu e destinacion tin cu American Airlines.

Comments

comments