American Airlines a inaugura vuelo New York-Aruba

12

Aruba Airport Authority N.V. (AAA) ta contento di yama bonbini na American Airlines su servicio nobo riba Diasabra entre Aeropuerto Internacional Reina Beatrix (AUA) La Guardia Airport (LGA) na Queens, New York.  

Presente di parti di American na e ceremonia di corta cinta tabata Nelson Cortes (station manager) y tambe representantenan di e autoridadnan di Gobierno y Aeropuerto, incluyendo Minister di Turismo Dangui Oduber, CEO di AAA James Fazio CEO di Aruba Tourism Authority (ATA) Ronella Tjin Asjoe-Croes y Presidente/CEO di AHATA Tisa LaSorte.

Nos footprint den Caribe ta algo cu nos aerolinea ta orguyoso di dje, mirando cu nos ta e aerolinea lider den region cu servicio pa 38 destinacion y faltando mas pa agrega na e lista,” asina Alfredo Gonzalez, American su Managing Director pa Caribe a comenta.

December ultimo nos a sigui expande nos footprint na Aruba, cu servicio nobo for di Dallas/Fort Worth y Chicago, y cu e buelo nobo aki nos ta brinda Aruba na un di e mercadonan di mas importante den Merca, New York, haciendo Aruba su posicion mas fuerte como destinacion turistico.”  

E servicio nobo di American pa Aruba lo opera tur Diasabra cu un avion Boeing 737-800, cu tin 16 asiento First Class y 144 asiento den e cabina principal. E buelo saliendo di LGA ta sali 8:30am y ta yega Aruba 1:14pm. Pasaheronan saliendo for di Aruba ta sali 2:10pm y ta yega LGA 7:00pm.

“American Airlines ta un partner valioso pa nos destinacion y como cu aumento di airlift ta crucial pa Aruba su crecimiento turistico y exito continuo, e buelo nobo aki ta sigui integra nos sector turistico den un mercado esencial cu ta New York City,” asina Ronella Tjin Asjoe-Croes, CEO di Aruba Tourism Authority a bisa. “Cu e buelo adicional aki, nos ta ansioso pa saluda nos bishitantenan cu ta bolbe bishita nos One Happy Island.”

E aerolinea tin un presencia fuerte den Caribe cu mas di 900 buelo semanal durante e high season na 38 destinacion. Actualmente American ta opera servicio henter aña for di Aruba pa Charlotte, Dallas/Fort Worth, Philadelphia, Miami y New York y servicio temporal for di Chicago.

Nos ta yama bonbini na e buelo di LGA cu brasanan habri,” asina CEO di AAA, James Fazio a comenta. American Airlines ta un partner valioso di hopi aña pa AUA y e di 6 vuelo directo/non-stop ta demostra e confiansa continuo den e mercado di Aruba. New York ta un destinacion hopi popular pa e localnan y Aruba ta un destinacion hopi popular pa esnan di New York, esey di berdad ta un win-win situation pa ambos mercado. E ta importante pa menciona cu e buelo aki ta posibel danki na e facilidad di US Pre-Clearance na aeropuerto, mirando cu La Guardia Airport no tin nan propio facilidad di imigracion.Nos ta agradecido na American Airlines, Gobierno di Aruba, ATA y nos staff pa haci e buelo aki bira realidad pa nos pasaheronan!”