Awe ta tumando luga na Corsou reunion importante entre sindicato di ambtenaarnan. Esaki relaciona cu e reduccion di salario cu 12.5% cu Gobierno kier introduci den forma unilateral. E medida aki no a keda implementa ainda na Corsou.
Sindicatonan hunto a yega na un palabracion cu nan no ta bay di acuerdo pa reduci e salario di forma unilateral. Esaki pasobra empleadonan publico a entrega caba pasobra ya caba no a paga indexering. Nan ta para riba cu Gobierno mester papia den GOA riba cambionan cu kier introduci.
E sindicatonan a reuni awe cu miembronan pa mira of haya conseho pa hiba den e negociacion, pa nan cana den e caminda corecto. Si a adverti e miembronan cu mester basha awa den biña.
Pero tambe nan ta bisa cu e forma di tuma decision aworaki door di Gobierno no ta e forma corecto. Tur palabracioncu ta afecta e ambtenaar mester hiba p’e organo GOA (Georganiseerd Overleg Ambtenarenzaken).
E reunion aki pa 9.30 di mainta tabata andando y no tin resultado ainda di e decision tuma pa loke ta e siguiente paso.
