Ambiente di Pasco ta den Paseo Herencia

Manera tur aña, Paseo Herencia ta tene actividad festivo y ta decora e centro comercial pa tur e clientenan cu bin haci nan compras por gosa di e ambiente di fin di aña. Zaira Orman-Maya, gerente di mercadeo di Paseo Herencia, a conta cu faltando apenas algun dia pa Pasco, Paseo tin dushi ambiente tur dia.

Asina a splica cu tur dia nan lo tin nan famoso Christmas watershow cuminsando pa 7:30 pm y tambe lo bay tin algun otro actividad p’e famianan por gosa. Awe diadomingo, Santa Clause hunto cu The Grinch lo t’ey na Paseo Herencia pa entretene tur mucha y famia completo por saca potret cu nan tambe.

Tur anochi lo tin shopping night den henter e centro comercial di 10:00 am te cu 10:00 pm incluyendo riba diadomingo. Aki por acumula ‘double points’ den e Paseo Points Program.

Ambiente di Pasco ta den Paseo Herencia

Ambiente di Pasco ta den Paseo HerenciaClick link pa lesa mas: https://24ora.news/3qeEUjL

Posted by 24ora on Sunday, December 19, 2021

Orman-Maya a splica cu nan tin diferente regalo pa pasco pa tur budget, di 25 florin te cu regalonan mas luhoso. Pasa Paseo Herencia awe mes y disfruta di e dushi ambiente familiar mientras ta probecha y busca e regalonan pa tur e sernan keri pa Pasco. Ful rond di e centro comercial mes tin varios decoracion bunita y festivo y por pasa saca potret cu esaki tambe pa asina keda cu bunita recuerdo di e temporada dushi aki.

Pa mas informacion di e orarionan y evento specifico por subi riba e pagina di Facebook of Instagram di Paseo Herencia y tambe nan website.