Kiwanis Builders Club a corona nan Reina Hubenil, kende lo representa nan den eleccion di Reina Hubenil, y trata aki di Alysa Simon. Segun Rafael Garcia, PR di Kiwanis Builders Club, sigur ta un oportunidad p’e, mirando cu el a sali reina di su scol y e proximo aña lo bay representa e club den stadion.

Preparacionnan

Garcia a comenta cu mirando cu el a sali reina di su scol, a drenta su mente pa representa su scol, e ora Kiwanis Builders Club a acerk’e pa dun’e e oportunidad pa representa e club. Preparacionnan ta andando. Sigur esaki ta un sorpresa. Su mayornan a duna e club nan aprobacion y cu esaki, nan ta den full swing.

Alysa Simon corona como Reina Hubenil di Kiwanis Builders Club

Alysa Simon corona como Reina Hubenil di Kiwanis Builders Club

Posted by 24ora on Tuesday, November 12, 2019

Colornan pa eleccion

E colornan no ta conoci ainda, mirando cu a haci un escogencia ainda. Aki algun dia, lo bay revela tur esaki, Garcia a menciona.

Mirando cu e ta bay representa Kiwanis Builders Club y nan meta ta pa crea futuro lidernan y mustra comunidad cu hobennan tambe por haci algo positivo den comunidad, e ta un oportunidad cu Alysa lo tuma pa subi escenario y mustra hubentud cu nan tambe por haci cosnan positivo. Esaki sin duda riba dia di eleccion lo ta un bom. No balota Alessa, pasobra e lo bin den grandi.

Keda pendiente

Kiwanis Builders Club ta invita tur hende pa keda pendiente di e informacion riba preparacion di Alysa, su colornan, su apoyo, etc. Mirando cu ta prome biaha cu Kiwanis Builders Club ta manda un reina, nan lo bay den grandi. Keda pendiente pa tur informacion

Comments

comments