Awe den parlamento a tuma luga e prome reunion di jeugdcriminaliteit, criminalidad di hoben. Den comunidad tin preocupacion p’e criminalidad cu tin na Aruba, specialmente e criminalidad cometi p’e hobennan, e menornan di edad.
Alvin Molina, parlamentario di MEP, a indica un cos cu ta biba den comunidad cu kisas e aumento di castigo lo por yuda na frena e muchanan comete actonan penal. Den e reunionnan un cos cu awo ta duidelijk caba cu solamente aumenta e castigo no ta bay yuda frena e criminalidad na Aruba.
E prome pregunta cu tin ta si en berdad Aruba ta bayendo den mal direccion, mester preocupa nan mes, ta pio awo cu tabata un par di aña pasa. E contesta riba esey segun Molina, cu eigenlijk hopi recien a cuminsa colecta e data p’esaki. Desde 2018 tin data cu esey. Por ripara cu en berdad tin un crecemento den e cantidad di casonan cu hoben ta haya nan mes aden.
Caso cu ta termina na Reclassering, pero si ripara tambe e severidad di e casonan, manera e casonan violento ta bahando. No por bagatelisa loke ta pasando, e parlamentario a indica.
Pa mas lesa TREMPAN.COM.
