Alumnonan di Middag MAVO San Nicolas bon prepara pa examen

E alumnonan di Middag MAVO San Nicolas ta bon prepara, y a cuminsa diamars mainta cu e prome dia di examen cu e vak Nederlands. Robin-Ann Didier, director adhunto di Middag MAVO San Nicolas, cu e vak specifico aki, e muchanan ta bon prepara.
E muchanan a bin mainta na tempo y a cuminsa. Semper e prome dia a cuminsa un tiki mas laat. Diamars nan tin e parti di Nederlands, lezen. E ambiente tabata rustig. Dos otro colega di Didier a yuda y tur cos a bay bon.

Klasnan

Ta trata aki di muchanan di Middag MAVO di San Nicolas, hunto cu Avond MAVO San Nicolas, ambos examenklas. Ta trata aki di entre 60 pa 70 mucha pa e materia di Nederlands.

Cultura

Normalmente den caso di Middag MAVO tin diferente cultura y nacionalidad. Tin di Latino America y for di Haiti. Tin algun woordenboek cu nan ta suministra, pero tin tambe algun ta bin cu nan propio woordenboek cu nan por uza den e casonan asina.

Dropouts

Didier a splica cu un mucha cu yega Middag MAVO cu a keda sinta den MAVO regular. Tin seis combinacion cu un mucha por keda sinta, esta ciclo basico 1 te ciclo avansa 1. E ora nan ta bin na Middag den edad di 16 pa 18 aña. Ta brindanan oportunidad pa ainda haal nan MAVO diploma cu ta ekivalente na esun di dia.

Anochi tin esnan di edad mas halto di 18 p’ariba. Si mester bisa cu e aña e grupo aki tin dos opcion. Den Middag MAVO, tin 2-3-4. E grupo di 2de klas, nan tin opcion pa bay bao di otro Stichting cu ta SAA of por keda cu esun cu ta bay bin nobo, cual ta bay cuminsa dia prome di September.

Mensahe

Didier ta desea tur alumno di Aruba, hopi exito den e temporada di examen. Mester corda cu mañan e diploma ta bal. Portanan ta habri pa otro estudionan den exterior of kisas tambe aki na Aruba.