EcoTech a haci un presentacion di reciclahe di sushi na e alumnonan di 1ste klas di Colegio Pastoor Kranwinkel. A comparti diferente informacion di kico tur EcoTech ta haci cu desperdicio. Tambe riba e procedura nobo di mandamento di desperdicio procesa na paisnan cu ta recicla.
Ing. Alfredo G. Riuz, Director di EcoTech y EcoGas, a enfatisa cu ta masha importante pa educa e hobennan riba futuro di maneho di desperdicio, na un forma duradero y eficiente. Hopi biaha ta enfoca mas riba hende grandi, pero ta lubida riba e muchanan mes.
Tabata un placer pa EcoTech di por a comparti cu e muchanan tur locual ta haci na Aruba cu reciclahe. E interaccion di e muchanan tabata tremendo. Nan a bin cu preguntanan y cierto preocupacion. E meta final ta pa mira con pa conscientisa e muchanan. Asina aki nan por bay bek cas y bisa mayornan con pa atende cu desperdicio na cas, na luga di solamente benta e sushi afo.
Colegio Pastoor Kranwinkel a acerca EcoTech, pero e empresa ta dispuesto di haci presentacion na tur otro scol. Loke cu Alfredo Riuz a compronde ta cu e presentacion aki tabata un proyecto piloto y semper por actualisa e storianan di reciclahe. Tambe pa splica kico tur ta haciendo na Aruba, hopi biaha hende no sa con hopi EcoTech ta recicla caba.
