Coronavirus tey tur caminda, hasta den Cuerpo Policial. Altocomisario interino, Vanessa Tjon-Kock, a anuncia cu awo nan a haya nan mes confronta cu contagio di Covid-19. Polis tin un tarea hopi importante den comunidad pa garantisa siguridad di tur ciudadano den e crisis pero no mester lubida siguridad di e Polisnan mes tambe.
Ta bay tuma medida y implementa reglanan hopi estricto pa publico. No ta nifica cu lo no duna servicio. Mester haci uzo di tapaboca ora yega un Warda di Polis, pasobra e ta importante, na momento di entrega keho y tin contacto cu un Polis. A facilita Polisnan cu e materialnan necesario pa proteha nan mes.
Awor aki tin hopi bon contacto y acuerdo cu DVG pa loke ta con ta sigui cu e organisacion y con ta sigui draai pa sigui brinda servicio pa haci e tarea manera mester ta. Ta pidi comprension di comunidad. Den e caso aki polis tambe por wordo contagia. Ta un situacion fastioso pasobra no ta tur ora por mantene na exigencia pero si un tarea pa cumpli cun’e. Tin un compromiso cu Aruba pa e siguridad di cada un den e crisis aki.
