Alto Comisario Andrew Hoo: Pueblo ta depende di Cuerpo Policial

272

Ora cu bo ta bay cuminsa cu un reto nobo, semper bo mes tin bo mesun plannan y e vision con abo lo kier hiba e organisacion dilanti. Esey ainda ta meta di Andrew Hoo, comisario di polis, kende tin su propio vision con pa hiba e cuerpo dilanti. Tin retonan cu ta bin den bo direccion y esey ta strobabo un tiki.

E ta tuma su tempo. No ta asina asina bo ta yega cambia cos di un dia pa otro. Por ehempel tin cosnan cu ta pasa tur dia. Bo ta bin trabao mainta cu un plan y diripente e ta cambia riba bo. Tin cosnan cu ta bin acerca cu tin mester di atencion di biaha, esey ta pa cu pueblo y internamente. Ta purba di maneha esey mas pronto posibel y pa bo sigui toch cu e tarea di duna leiding na cuerpo e ora.

Un miho formula

Pueblo ta depende di Cuerpo Policial. E organisacion aki ta hopi dinamico. E core business ta pa duna servicio, siguridad y combati criminalidad. Pero semper en cuando tin cosnan ta sosode e ora ey, y e dia ey cu bo tin cu actua di biaha riba dje. Pa duna e satisfaccion na pueblo cu cuerpo tey, mester duna e servicio y percura pa tin polis riba caya, semper en cuando cu algo pasa. A aumenta visibilidad den e luganan cu tin cu haya atencion y tambe tin e otro tareanan. Tin e siguridad riba lama, e siguridad riba nos costanan cu ta un punto di atencion cu tin, mirando e situacion na Venezuela. E ta hopi sensibel den e temporadanan aki. E atencion ta hopi riba costa den e temponan aki.

Kustsurveillance

Alto Comisario Hoo a splica cu kustsurveillance ta on. E ta eigenlijk un cooperacion entre Douane y polis awo solamente. E idea ta pa haci’e mas concreto den futuro. Awor aki tin casi tur e materialnan in place. A haya nan autonan caba y tin e personal di mobiele eenheid cu ta yudando awo pa cubri e parti ey. Pero toch mester tene cuenta cu nan ta forma parti tambe di e algemene dienst y otro departamentonan den Cuerpo. E ta pone tiki presion den e capacidad qua personal. E ta bayendo bon si. E tin un tiki mas cu un luna andando caba y e dunando su frutnan caba. E control ta hopi halto. Ta controla hopi auto den marduga, den e areanan ey, vooral den costa. E ta un tarea preventivo tambe. A ripara cu di e dia cu a cuminsa, e botonan cu ta yegando, a baha hopi of no a tende cu tin, for di e tempo cu a cuminsa.