Manera priminti, TOPA ta trahando riba mas lider den e mundo sindical y ta purba enfoca pa trece mas lider pa TOPA den futuro.
TOPA ta cumpli cu loke el a priminti y ta trece mas curso pa su miembronan y tambe pa nan mes. P’esey mes actualmente nan ta bezig ta duna curso tocante e ARBO-wet, Alonso Tromp, lider di sindicato TOPA, a cuminsa na bisa. E ta hopi importante, particularmente pa e empleadonan publico of cualkier empleado den sector priva, tambe ta hopi importante. Motibo pa cual ta importante ta pa e empleado publico ta na altura di e leynan nobo cu Gobierno kier purba pasa.
Vilma Thijsen, Secretaria di Formacion y Educacion di TOPA, a splica cu den e parti di formacion di e miembronan di TOPA, nan kier preparanan pa ta un futuro lider. P’e aña aki TOPA tin un ful programa prepara den e parti di programacion den cual tin hopi tema cu ta bin dilanti. Tambe nan ta bezig ta prepara e cursistanan pa nan tin e conocemento pa ora nan bay nan trabou, nan tin cu sinta den dialogo, sea cu nan hefenan di departamento of cualkier otro reunionnan. E parti ey TOPA ta preparando nan ful y nan a habri aña den e parti di ARBO-wet, unda cu Flora Petronilla, di DAO cu lo guia e parti di formacion y diabierna TOPA a presenta un carta, unda cu nan ta haciendo un peticion pa Gobierno ratifica e Convenio di 190.
