All To Car ta practica loke nan nomber ta bisa. No solamente ta haya accesorio pa bo vehiculo, pero tambe nan ta ofrece servicio pa mantene bo auto “contento” y abo tambe cu ta tras di stuur.
All To Car tin dos establecimento na Aruba, uno ta situa riba L.G. Smith Blvd y e otro, unda cu nan ta brinda e servicionan pa bo auto kda core smooth, ta situa na Ponton.
Bea Winterdaal di e negoshi aki a splica cu nan ta duna un servicio completo, cuminsando pa drecha tirenan di auto, sizenan 13 te cu 20, unda por cumpra nobo tambe. Pa cambia tire y alignment, nan tin e mashinnan di mas modern, sperando riba esun 4K cu ta na caminda pa Aruba.
Otro servicionan cu nan ta duna pa auto ta: cambia fuel injectors, reface roaters (na un prijs hopi special). Nan ta cobra 22,95 pa cada roater. Y ta sigura cu nan ta 35% mas barata cu cualkier garashi na Aruba.
E compania tin mashinnan moderno y computarisa pa atende cu e diferente tipo di servicionan. Asina por ehempel ta masha importante pa haci alignment di bo auto, pa e tirenan di boauto ta move bon riba nos careteranan.
Banda di e servicionan di auto, tambe tin accesorio pa vehiculo, manera material pa limpiesa di auto, childseat, baterianan pa diferente tipo di auto. Nan ta brinda bon prijs y descuento durante henter aña. Esaki ta algo cu nan por sigura pueblo di Aruba.
Cualkier persona cu ta interesa por bira miembro di All To Car. Pagando 5,50 florin pa aña ta haya descuento riba nan productonan. Nan ta habri for di dialuna pa diasabra, habriendo nan portanan pa 7.45 pa ricibi e vehiculonan cu tin cita pa servicio. Pa 6.30 nan ta cera nan portanan. Por laga e auto, of ta sinta den e VIP Lounge, spera pa haya auto bek.
