All to Car Ponton cu hopi producto nobo

1000

All To Car pa un tempo caba tin un filial na Ponton. Y nan kier informa di a haya basta producto nobo. Un di nan ta bateria pa auto marca Hoer, produci na Alemania cu ta bini cu garantia di un aña. Pero pa ofrece e clientenan mas variedad den nan escogencia, tin dos otro bateria mas di auto cu ta Energizer y Varka, cual ultimo aki ta masha conoci na Europa.

All To Car ta traha cu 7 marca famoso pa ofrece e miembronan un variacion di bateria y na bon prijs.  Banda di bateria, tambe nan tin un variacion grandi di tire pa brommer, ATV, pa Trailer, Bobcat, vehiculonan special y truck.Nan tin tambe e tirenan fini, special di un material cu ta 60% pa core riba caminda y 40% pa offroad. Tine un tipo di tire cu ta lo contrario, pa uza mas tanto posibel riba offroad (60%) y 40% pa caminda normal.

All to Car Ponton cu hopi producto nobo

All to Car Ponton cu hopi producto nobo. Click link pa mas https://24ora.news/2XORF70

Posted by 24ora on Tuesday, August 11, 2020

Pa duna e toque final na e tirenn, tin diferente estilo di Macreem pa embeyece e autonan. Tin pa tur gusto.Si loke e cliente ta busca ta material pa mantencion di e motor, nan ta dispone di diferente tipo di azeta, diferente marca, segun preferencia di e clientenan. Y special pa e clientenan registra, tin e tradicional descuento.

All To Car tin un garashi, unda por brinda servicio di mantencion, allignment di auto,  Tin un mashin special pa saca tur sushi for di e airco, saca aire y yene bek. E ta importante den e clima calor aki, unda cu ta haci hopi uzo di airco.Pa tur cliente cu haci uzo di nan servicio pa nan vehiculonan, nan ta haya un revision gratis di tur e likidonan di e auto, si e ta na nivel. No lubida cu All To Car ta e unico na Aruba tin e “brake fuild machine”, mirando cu hopi hende ta core cu sushi den e brake fluid y ta yena cu oxido. Si e nivel ta halto di esaki, cu por constata den e midimento, ta saca esaki, y yene di nobo.

Pa bira miembro, pasa na nan outlet pa registra y paga 5 florin. Ta haya descuento di entre 40 y 70% riba tur articulo den tienda y servicionan cu nan ta brinda. All To Car tin dos filial, na Ponton y riba L.G. Smith Blvd, habriendo for di 8’or di mainta te cu 6.30 di atardi.