All to Car a haya material nobo manera camara di siguridad pa auto

All to Car ta e tienda cu ta ofrece descuentonan unico na Aruba. Y un di e productonan nobo cu a caba di ricibi ta camaranan di siguridad pa bo vehiculo.

Diana del Valle un di e empleadonan di All to Car a splica cu un biaha mas a yega fin di siman y nan descuentonan special cu semper ta riba diabierna y diasabra.  El a splica cu e ultimo producto ta e camaranan di siguridad, cu ta bini tanto den forma di pantaya como spiel, y un di e pantayanan ta un touchscreen.

Tur ta di e ultimo tecnologia y mas atractivo ta e prijs. Nan ta combina un pakete pabo cu ta menos cu 100 florin. E pantaya ta conecta riba bo celular pero tambe e ta graba pa cualkier eventualidad.

ALL to CAR ARUBA cu descuentonan unico riba nos isla

Posted by 24ora on Friday, July 19, 2019

E cameranan ta bini cu sensornan. Esaki ta nifica cu ora bo “reverse” y yega demasiado cerca di un obheto, e ta cuminsa zona di biaha. Hopi accidente y daño por wordo evita di e forma aki.

Pa bo por disfruta di e descuentonan special y atractivo aki, e persona mester bira miembro. E miembresia tin un costo di 5,30 florin y ta valido pa aña. Durante henter aña bo por cumpra tur loke cu tin den All To Car cu un descuento special pa miembronan.

All to Car tin tur material pa loke ta auto: tirenan di size chikito te esnan mas grandi. Materialnan di limpiesa pa auto y motor; riemnan bunita, bateria di auto y hopi mas.

Y pafo nan tin e tent salenan di All To Wear and Shoes cu ta tuma luga riba diabierna y diasabra. Specialmente pa e temporada di aña escolar nobo tin diferente tipo di keds y sapato. Diana del Valle a splica cu pa loke ta e keds, sapato, t-shirt, etc., cu tin den  tentsale, e cliente no mester ta miembro. E fin di siman aki e special ta tres sapato di hende homber pa 96 florin; tres par sapato pa hende muhe pa 60 y tres par di sapato pa mucha tambe 60 florin. Pues un famia di tres persona ta haya 9 par di sapato pa henter aña. E ta un bon forma pa spaar placa. E sapatonan no mester ta di mesun size, ni mesun estilo. Riba e t-shirtnan tambe tin un special di 3 pa 40 florin. Tin e oferta di 9 par di mea, cu ta dura largo, pa solamente 15 florin. Y si ta lama ta bay den e dianan aki, tin e slofnan pa e ocasionnan aki cu no ta bisti keds ni sapato.

Den e tentsale di fin di siman pafo di All To Car, tin material di auto manera seatcover, den diferente modelo y color. Un seatcover ta e miho proteccion pa asientonan di auto. Esakinan tambe tin prijs special. Pa esnan cu ta miembro un caha pa pone herment ta costa solamente 39 florin. Nan tin un kit completo cu ta bini cu diferente producto pa laba auto cu ta costa solamente 42 florin.

Clientenan cu cumpra nan tire na All to Car no mester preocupa con ta bay pone. E prijs ta encera cu nan ta pone e tire y ta balanse pabo. Nan ta hinca e material di nitrogeno (un aire friu) cu ta protege e tirenan, tambe ta pone valve nobo. Tur esey ta inclui den e prijs. Pero tambe nan tin’e servicio di alignment cu ta costa 90 florin.  Ta cambia azeta di bo auto pa 84 florin, cu ta inclui 4 boter di azeta y filter. Nan tin mecanico den cas y ta haci un servicio completo di loke ta auto. Nan tin un wiper special, di marca Hulandes, cu ta diseña pa e solo fuerte di Aruba. Pues pasa awe diabierna of diasabra y mira con nan por yudabo pa pone bo auto luci bunita bunita.