Alianza Frances diamars anochi a tene nan tradicional evento pa celebracion di e fecha di Liberacion di Francia, 14 di juli. A probecha na e ocasion aki, pa promove e idioma na Aruba, pa honra e studiante cu e miho puntuacion den e vak Frances.
Eric Vinck, kende ta presidente di e organisacion a splica cu nan ta contento di por a tene e celebracion aki apesar di e crisis di coronavirus cu a aleha hopi hende for di otro. Sinembargo tecnologia a logra yuda mantene e comunicacion.
E unico scol aki na Aruba cu ta duna les di Frances ainda ta VWO y pa promove esaki ta honra e studiante cu a logra miho puntuacion. Normalmente ta regala e studiante aki un buki, pero e biaha’ki a invita e studiante hunto cu su mayornan na e cena di 14 di juli. E hoben cu a gana e premio aki ta Dhanya Mirchumal. E hoben aki, kende ta sigui cu su estudionan avansa den exterior, a bisa cu semper el a gusta idioma y el a namora di Frances. “E idioma aki tin un historia asina rico,” el a bisa.
Proximamente e ta biaha pa sigui cu su estudio na Universidad di Maastricht den Arte y Cultura.
