Aliança Femenina a ranka salí den bario di Westpunt

291

Den luna di yüni 2020 Parlamentario Giselle Mc William a lanta e plataforma Aliança Femenina ku e meta pa empoderá hende muhé i asina krea empresarionan chikí i logra ku hende muhé ta mas independiente finansieramente prinsipalmente durante e tempunan difísil aki.

Aliança Femenina su promé siklo di empoderashon di nos hende muhénan a inisiá den e bario di Westpunt huntu ku Sentro ku e sentro di bario den kuadro di é trayekto muhé pa muhé ku é organisashon ta karga. Durante dos dia Aliança Femenina  a brinda e kursistanan un kurso pa formanan komo “nails artist” ku tabata enkargá dor di profeshonalnan di Faysuri’s nail spa academy. Banda di e kurso aki tambe Aliança Femenina a sòru pa un workshop di “bo propio presupuesto “ i asina empoderá e hende muhénan kon ta manehá nan sèn.

Aliança Femenina ta kontinuá ku diferente kursonan den sentro di barionan rònt Kòrsou pa asina sigui empoderá nos hende muhénan. Banda di e siklo di kursonan aki dia 11 di novèmber 2020 Aliança Femenina lo organisá un enkuentro virtual ku hendenan muhénan den polítika di èks Antia Hulandes ku e tema “Hende muhé den polítika durante COVID19” Seguidamente dia 25 novèmber 2020 di kual ta dia Internashonal di abuso kontra di hende muhé Aliança Femenina ta bai organisá un enkuentro virtual ku un keynote speaker pa motivá i enkurashá nos hende muhénan pa lucha i vense abuso kontra di hende muhé.