Alexis Petronia: Si kier fuseer e scolnan mester ta prepara

Diahuebs anochi a tuma luga un reunion na Renaissance Convention Center, unda cu mayoria presente tabata mayor di muchanan cu autismo cu ta asisti na Emmaschool.

Tabatin varios mayor cu a mustra nan mal contento pa loke ta e situacion di fuseering entre Scol Paso pa Futuro y Emmaschool y a mustra na prome minister Evelyn Wever-Croes, kende tabat’ey presente kico ta nan pensamento riba e situacion aki.

Un ex-alumno di Emmaschool, Alexis Petronia mas cu claro tabat’ey pa duna su testimonio durante e reunion aki y naturalmente ta duna sosten na e docentenan den nan lucha pa evita e fuseering. Petronia mes a asisti na e scol tempo cu e tabata situa den Shakespearestraat banda di stadion na Dakota.

E ta conta cu su experiencia ta, fuera di su mayornan cu e fundeshi di enseñansa, Emmaschool a crece, caminda cu dedicacion, e base di tur loke el a siña di mantencion, carpinteria, cushinamento, etc.

Alexis Petronia: Si kier fuseer e scolnan mester ta prepara

Alexis Petronia: Si kier fuseer e scolnan mester ta prepara

Posted by 24ora on Friday, March 5, 2021

Despues cu el a sigui su estudio na diferente scol y cursonan cu el a haci, caminda cu e ta awe, tin cu gradici Emmaschool pa ta esunnan responsabel.

Loke cu e minister Lampe ta haciendo, no ta corecto segun Petronia. Si kier fuseer e scolnan mester ta prepara y bin cu un plan riba mesa y pon’e concreto. Como ex-alumno di Emmaschool y tambe e demas alumnonan ta den klas chikito, ta hopi mucha caba hunto. E scol a bira mas grandi tempo cu Petronia a bay scol. E maestronan ta dedica tempo na cada un di nan. Y no ta djis na un so y e otronan ta keda atras. Ta tur dia mester tin tempo pa nan.

Pa trece otro scol hunto e ta bay crea hopi complicacion y ta pone cu e muchanan no ta siña manera mester ta.

No ta trata aki di un scol basico normal, sino di un scol basico special. Pa haci esaki mester hacie structuralmente, Petronia ta indica.