Alerta pa “drone” bulando riba prizon

3336

Un rato pasa, alrededor di 4:30am, a raporta presencia di un supuesto drone riba of den vecindario di Instituto Coreccional Aruba (KIA) situa na Santo di Patia na San Nicolas. E personal di CEA cu ta cuida e edificio a pidi presencia di Polis pa reenforsa nan durante e momento ey. Polis a controla den e area pa mira si por topa cu e drone of esunnan cu tabata maneh’e, pero nada.

No mucho tempo pasa, na nos isla ruman Corsou, tabatin e mesun tendencia aki. A bula cu drone riba prizon y via e aparato tabata transporta droga paden.

Aki na Aruba, no ta prome biaha cu ta nota drone ta bay laira riba of cerca di prizon. Mester tene cuenta cu e reglanan cu ta rigi cuido di prizon y detenidonan paden ta duna e cuidadonan di preso autoridad pa actua cu man duro, eventualmente uzando arma pisa, pa defende e prizon!

Comments

comments