Un alerta pa biento duro lo drenta na vigor mañan diabierna merdia pa 12:00pm y lo keda valido te dialuna atardi 6:00pm. Un aviso pa boto chikito y specialmente areanan cerca di costa oost te noordwest ta keda na vigor te diamars atardi 6:00pm.
Un area di presion halto riba ocean atlantico lo bolbe reforsa y haci e diferencianan di presion den region di Caribe mas grandi durante e proximo weekend y parti di otro siman. Biento lo supla cu mas o menos 22 te 27 nudo y ta anticipa cu lo por tin rafaganan cu de bes en cuando lo por yega 35 te kisas 40 nudo (beaufort 8) cu posibel awasero. Esaki lo combina cu labaderanan for di noordoost produci pa un frente friu den noord di Caribe pa tene lama bruto na cierto localidadnan durante proximo dianan.
Ta pidi publico pa tene cuenta cu e biento duro y specialmente na usuarionan di lama y ta urgi marineronan pa tene cautela riba lama habri y cerca di costa ya cu e biento combina cu labaderanan lo causa lama bastante bruto. Mester tene cuidao extremo na costa oost te noordwest y ta pidi usuarionan di lama y doñonan di boto chikito pa preferiblemente no aventura na e partinan di costa aki.
