Diamars anochi, pa mas of menos 10:45 pm, personal di Cuerpo di Bombero a pone polis na altura cu nan tabatin un homber wanta. E tabata manehando un Honda colo’i oro, numera A-75788 na altura di Drive Inn y tabata mustra cu e tabata bao influencia di alcohol.
A manda un patruya di biaha na e sitio pa asina nan atende cu e situacion. A bay over na detene e homber mesora y cu un transportwagen a hib’e warda, unda cu el a presenta dilanti fiscal auxiliar y despues encarcela pa e saca su wayaba. Mientrastanto e auto mes a keda cant’i caminda te ora cu su doño por bin busc’e.
