Alarma na Hospital pa huma saliendo di e edificio

Hospital a activa su plan di emergencia awetardi alrededor di 5:00pm ora cu testigonan a mira huma saliendo di e edificio. Brandweer y Polis a yega mesora na e sitio buscando e candela y evacuando trahadonan, publico y pashentnan. Na final no a topa cu candela, pero si cu acumulacion di candela.

Segun informacion na e sitio, parce cu ta materialnan di construccion a acumula huma y a spanta esunnan den vecindario. Hospital mesora a activa nan “ontruimingsprotocol” di biaha. Den esey ta yama Brandweer pa duna un man den e proceso, aunke cu Hospital mes tin su ekipo interno pa emergencia.

Despues di mas o menos un ora a keda cla cu e trabounan y Brandweer hunto cu Polis a bandona e sitio y Hospital a normalisa nan operacionnan.