Awe den oranan di mainta a mobilisa diferente patruya policial na Cayena Mall pa un persona sospechoso.
Patruya di tur direccion, cu tabata den cercania a wordo manda pa e sitio y a baha na careda.E Polisnan cu a yega na e sitio a cuminsa puntra y a bin resulta cu e tabata un alarma falso.
Segun por a compronde, e persona, kisas door di e yobida y friu den e dianan aki, tabata bista cu un shirt cu su capuchon cu e tabatin riba su cabes y tabata medio tapa su cara. Na momento cu e trahadonan a mira esaki, nan a spanta masha hopi y a core yama polis. Sinembargo ora cu e Polisnan a caba di yega, nan a bin saca afo cu tabata cliente di un di e negoshinan situa na Cayena Mall.
