Den oranan di merdia a drenta informa alarma di un banco a bay on. Tabata trata di alarma di candela na Aruba Bank Camacuri. Mesora a pasa pa e protocol di emergencia, ya cu e no tabata un simulacro. A evacua clientenan prome y despues empleadonan. Hasta a mira presencia di e compania encarga cu siguridad di e banco.
Algun minuut despues ainda nan no tabata sa kico a trigger e alarma aki y e tabata bou investigacion. Loke cu a hala atencion tabata na otro localidadnan comercial na mesun momento tabatin problema pa haci transaccionnan cu e carchi di Aruba Bank. No por a bisa mesora si e tin di haber cu e alarma activa of no.
Despues cu a saca tur hende afo y cu tur cos a bay segun e protocol di emergencia, a informa tur hende cu si e tabata un simulacro. Clientenan por a drenta banco bek y situacion a normalisa.
