Alan Howell: Tin un luz den tunnel pa hopi famia

420
i10 Sedan
Download nos App
Blossoms Special Menu
Send a Tip 24 Whatsapp
RBC Holiday Loan
CMB Ban Cobra
RBC Loan Calculator

Alan Howell Parlamentario di Fraccion di POR y tambe presidente di e Comision Fiho di Parlamento di Infrastructura y Medio Ambiente a indica durante conferencia di prensa di fraccion di POR cu a keda hopi contento cu e bishita di Minister Otmar Oduber unda cu el a splica riba su vision, kico el a haya y kico y con e ta bay drecha loke mester wordo drecha den corto tempo.
Alan Howell ta pone enfasis riba e parti di den corto tempo, pasobra e cartera di infrastrucutura ta na werki y e ta imagina su mes cu ta masha desagradabel e forma cu Minister Oduber a bin haya e departamentonan, sin coordinacion y sin un maneho como debe ser. Pesey ta importante pa trece e cambionan mas lihe cu ta posibel y asina pueblo por ta mas alivia cu ta posibel riba e aspecto di infrastructura di nos isla.
Un punto importante cu a atende cune durante e reunion aki ta e parti di casnan di gobierno, cual bou maneho di Minister Oduber lo cambia hasta e nomber y lo wordo yama casnan popular. Durante 8 aña largo no a construi ningun cas popular y esaki a trece cune un situacion hopi fastioso unda cu awendia tin hopi parehanan hoben bibando cu nan yiunan bou mesun dak cu nan mayornan y no tin un luga fiho pa nan bay.
Hopi di e personanan aki no ta conta cu un salario halto pa por bay traha un cas cu ta costa riba 200 mil Florin y pesey mes nan ta haya nan mes den e situacion di mester biba cu nan mayornan, unda tin biaha den un cas chikito ta haya hasta 8 of mas persona bibando hunto.
Minister Oduber a informa cu tin pensa di traha dentro di poco alrededor di 200 cas popular pa asina por duna un alivio na esnan cu ta wardando pa hopi tempo caba riba un cas. Por compronde cu na FCCA tin un lista di espera masha largo mes y awe Alan Howell contento di por anuncia cu tin un luz den e tunnel pa hopi famia cu e construccion di 200 cas.
E ta conciente cu e 200 casnan aki no lo trece un solucion total, pero si lo trece un alivio pa hopi famia na nos isla.

Comments

Red Fish Eat Local
I am Consultancy
Beat the Heat ACC
CIBC Get Moving
BENU – Cambia y Gana

comments

Roll The Dice Better Price
AC Delco 20% Service
home improvent
Dragon Fly