Alan Howell: Partido MEP a vota contra mocion di corta den nan salario

5452

Diamars a trata Presupuesto 2020 den sala di Parlamento. Un reunion cu prome biaha den historia a tuma luga riba un solo dia. Un presupuesto importante pa por haya e apoderacion pa sigui traha duro y saca Aruba dilanti y sak’e for di e crisis cu e ta bibando aden actualmente.

E Presupuesto a pasa, Gobierno cu mandato di Parlamento tin espacio pa haci su trabou y mira con ta trata cu fondonan publico di nos pais.

Net prome cu votacion, a trata un mocion presenta dor di Fraccion di POR y Parlamentatio independiente Daphne Lejuez, den cual ta urgi Minister y Parlamentarionan pa baha nan salario mensual cu 1000 florin pa e tres lunanan venidero, esta april, mei y juni. Na tur esey lo nifica casi 100 mil florin adicional destina pa esunnan cu a perde nan trabou.

E fraccion di POR a bisa di ta solidario cu e pueblo y cu e suma lo bay den caha di pueblo special pa esunnan cu lo perde trabou, pues pa yuda e cabesnan di famia pa nan sobrebibi e dianan duro nos dilanti.
Ni partido MEP ni partido RED a sostene a mocion.

Segun Alan Howel (POR), awe e Parlamentarionan mester a mustra con humano / solidario nan ta cu tur esunnan cu a perde trabou. Locual ta ironico cu ta pidi Pais Aruba pa nan si duna di nan banda. Nan kier pa tur hende coopera, pa comercio / pueblo coopera pero ora yega na nan saco, nan no kier mishi. Tur esaki ta laga pa pueblo evalua y kico nan ta huzga di e comportacion di e Parlamentarionan. Esaki ta e bunitesa di politica, cu via bo hecho y palabra e pueblo lo bay husga bo.

E Parlamentario di POR a gradici Parlamentario independiente Daphne Lejuez pe para tras di e mocion cu a entrega como tambe para su tras na momento di vota pro. Danki special tambe, aunke con straño e por zona, na fraccion e di oposicion AVP, pa mustra con humano nan ta den tempo di crisis y a sostene tur dos mocion. Na fraccion di AVP, Howell ta gradici inmenso pa e sosten y pueblo tambe ta gradici nan pa esey.

POR na MEP: Pueblo lo huzga boso den eleccion

POR na MEP: Pueblo lo huzga boso den eleccion. Click e link pa mas https://24ora.tv/2xlt7YX

Posted by 24ora on Tuesday, March 24, 2020

E di dos mocion cu ta di FCCA. Locual a pidi gobierno tabata simplemente pa papia y pidi pa ta mas flexibel na momento cu mayornan di e huurdonan fayece, pa e yiunan no keda riba caya. Pero akinan tambe a hiba un gran sorpresa na momento cu a vota contra.

“Mi ta wonder na momento di eleccion ta cua di e cas socialnan aki nan lo bay bishita y kico e doñonan di e casnan aki lo bisa nan“, asina Allan Howel a bisa.
Tur esaki ta locual lo laga pueblo mes huzga den futuro. Un reunion cu den su totalidad por bisa positivo pasobra Aruba a keda cla cu su presupuesto 2020, deseando gobierno exito.

A cuestiona si acaso partido MEP, cu a vocifera di bin cu ahustenan hopi mas pisa y cu aporte hopi mas grandi den momento aki di crisis, no a haci uzo di e momento y oportunidad pa presenta esakinan mesora enbes di vota contra di un cu si a presenta su solidaridad. Ta algo cu Parlamentario Howell ta laga tambe pa e pueblo mes huzga pasobra no ta mira e logica. 

“Un danki na colega Dellanire Maduro y Partido POR pa para mi tras cu e mocion aki”, el a bisa. “Facil pa pidi tur hende pa tira awa den biña, facil pa bisa tur hende pa coopera pero awo cu a yega ora pa bay un tiki den Bo mesun saco pa coopera cu pueblo, NEE… Meneer ik ben niet thuis” cu desaprobacion inmediato di pueblo pero di otro banda ta bolbe pidi solidaridad di pueblo riba rednan social. Segun Howell e Fraccion di MEP ta hopi pret!

Comments

comments