Alan Howell: Ora mi papia mi ta cumpli!

Recientemente lider di partido POR, Alan Howell tabatin e placer di haci entrega di diploma na mamanan hoben cu a sigui e curso durante cuatro luna duna door di Agencia pa Desaroyo y Recurso Asistencial (ADRA). E curso cu e hobennan aki a sigui ta ‘From teenage Parent to Lifecoach’, durante cual nan a haya materianan cu lo por yudanan den nan futuro, entre otro,
beyesa, cosemento, cushina, obra di man, salud mental, protocol, fortificacion spiritual y salud mental.

Na e ocasion aki Lider di POR a expresa cu e ta para fuerte riba e punto cu tur hende merece un chens pa por mehora nan bida y muy especial nos mamanan hoben. “E mamanan hoben aki ta bon prepara awo pa sigui hiba nan famia dilanti, ta exitoso den bida y un rolemodel pa un otro mama hoben”.

Mirando e esfuerso cu e hobennan aki a haci, el a ofrece e mamanan hoben cu a ricibi nan diploma y cu ainda no tin rijbewijs, rijles completamente gratis.

E siman aki, Alan Howell cumpliendo cu su promesa, a haci entrega na e hobennan aki nan pakete pa rijles.

E mamanan hoben y dinamico a keda super contento pa por haya un otro sosten, pa nan por logra un otro soño mas di nan bida cu ta nan rijbewijs den nan man. “Ban pe mamanan hoben”, Alan Howell a expresa.