Seguridat di e siudadano ta hopi importante pa Ministerio Públiko (OM) i polis di Kòrsou
(KPC). Huntu ta bai aktua ku man duru kontra violashon di lei durante periodo di karnaval
2018 i Festival di Tumba 2018.
Ta bai mantené un régimen di zero-tolerancia. Ministerio Públiko ke kòrda públiko ku tur hende for di su 12 aña, i den serkania di e ruta di karnaval/Festival di Tumba (radius di 500 meter) i riba kaya públiko, mester ta den poseshon di un papel òf prueba di un identidat bálido. Esaki ta nesesario pa kontrolá i pèrkurá pa mantenshon di órden públiko. Polis ta bai kontrolá a base di Landsverordening di 20 di mei 2002, esta lei ku ta regardá identificatieplicht. Tambe Ministerio Públiko, meskos ku aña nan anterior, a base di Lei di Arma (Vuurwapenverordening), ta ba emití na polis un órden di listramentu preventivo. E listramentu preventivo ta bálido pa promé, despues i durante marchanan di karnaval i durante Festival di Tumba e siman aki. Ta nifiká ku polis por listra kualkier persona riba arma di kandela sin ku mester tin un sospecho adelantá. Ta papia pa su mes ku públiko tin ku mantené su mes na tur lei reglá den Lei di Tráfiko di 2000. Polis i OM ta bai aktua severo den tráfiko. Spesífikamente ta bai kontrolá esnan ku ta manehá vehíkulo riba 2 wiel, esta motosaikel, skuter, quad i otronan. Ta bai kontrolá ku e okupantenan tin, konforme di lei, un hèlm adekuá bisti.
Esaki ta konta tantu pa e shofùr komo e okupante. Polis no ta bai tolerá òf akseptá butamentu di fever, hòp i/òf drift ku outo, motosaikel, skuter òf
otro vehíkulo. Esnan ku outo, motosaikel, skuter òf quad mester ta den poseshon di tur dokumento (karchi keur, karchi belasting, seguro) i un reibeweis bálido. Si no kumpli ta sigui
detenshon i konfiskashon di e vehíkulo en kuestion. Na warda di polis ta ofresé e persona en
kuestion un transakshon. Lo aktua severo. Por konfiská e outo, motosaikel, skuter òf quad.
Si faya ku lei durante karnaval , ta aktua mesora i ku man duru. P’esei e lema “Aktua Robes,
Sintié Un Bes”. Pues den bo saku, finansieramente. Ya kaba pa dia 12 di mart 2018 a reserva un dia den Korte pa tur esnan ku a risibí un dagvaarding. E persona ku ta skohe pa un dagvaarding ta kore e riesgo di un kastigu di prisòn, un but haltu i un karchi di kastigu.
