Djasabra ultimo Konseho di Minister den su totalidat, inkluso e sekretariado a pasa un dia plasentero #huntu ku otro na Banda ‘bou pa un aktividat di teambuilding. Riba inisiativa di Promé Minister Eugene Rhuggenaath, e tim di minisiter a dediká henter un djasabra pa pasa tempu huntu pa sera konosí ku otro mihó. Den un setting ameno i relahante a hasi varios aktividat huntu pa fortalesé e sinergia di e tim i Kombinat forsa di tur minister. Tambe den seshonnan organisá a toka riba temanan ku ta importante pa un mihó gobernashon na bienestar di Kòrsou. E animó pa traha i logra resultado #huntu, na un manera kolektivo i efisiente ta grandi. E gabinete ta spera ku esei ta inspirá tur aktor den komunidat tambe pa buta kabes huntu i nanishi den mesun direkshon, e direkshon di un Kòrsou prospero ku oportunidat pa un i tur realisá nan máksimo potensial. E hashtag riba retnan soshal #huntu pa loke ta trata e tim aki ta mas bibu ku nunka i e grupo di ministernan aki ta kla pa sigui traha pa desaroyo di Kòrsou.
