Djabièrnè 7 yüni 2019, alrededor di 01.24’or, Sentral di Polis a dirigí un unidat pa Helmin Magno Wiels Boulevard pa un aksidente di tráfiko, kaminda tin un persona heridá. Na yegada di e promé unidat, e la topa un hòmber bentá abou riba kaya ku herida na entre otro kabes i pia.
For di investigashon ku polis a realisá na e sitio, a sali na kla ku un hòmber tabata riba su baiskel koriendo riba e kaminda aki den direkshon di Otrobanda. Shofùr di un vehíkulo tabata kore riba e mesun kaminda aki den mesun direkshon. Diripiente e la mira e siklista su dilanti i a pit’é.
Na e momentu ei e siklista a hala net riba e lado kaminda e vehíkulo tabata koriendo i e la keda alkansá pa e vehíkulo. Dor di e impakto aki e víktima a risibí múltiple leshon i a fayesé na e sitio. Lo reserva identifikashon di e víktima, te na momentu ku famianan di un forma responsabel wòrdu poné na altura. Personal di tráfiko ta kontinuá ku e investigashon.
E hòmber víktima ku a fayesé den un aksidente di tráfiko ku a tuma lugá djabièrnè 7 di yüni 2019, riba Helmin Magno Wiels Boulevard, (komunikado di prensa 222/2019) a keda identifiká komo:
Curannecy Frederic, nasé na Haiti dia 10 di mei 1980.
