Aksidente di tráfiko ku morto

Djabièrnè 21 di yüni 2019, alrededor di 18.45’or, Sentral di Polis a risibí informashon di un aksidente di tráfiko ku a tuma lugá riba Schottegatweg West na altura di Post 5. Na yegada di e promé unidat, nan a topa ku un hòmber drumí abou den un plas di sanger i ku herida grave na su kabes.

For di investigashon preliminar ku polis a hasi na e sitio, a resultá ku e víktima, shofùr di un bròmer tabata kore riba Schottegatweg West biniendo for di Rio Canario den direkshon di Plasa Hariri. Debi na e velosidat haltu ku e tabata kore ku ne, dado momentu el a pèrdè kontrol i bai dal den vangrail.

A konsekuensia di e múltiple leshonnan ku el a sufri el a fayesé na e sitio. Alrededor di 19.45 or dòkter di polis ku a presentá na e sitio, a konstatá morto di e hòmber Benjamine Novile Josiah Becker, nasé na Kòrsou, dia 30 di òktober 2000. Personal di tráfiko ta kontinuá ku e investigashon.

Comments

comments