Nos representante pa Reina Hispanoamericana 2017 ta srta. Akisha Albert ta a sali djadumingu 22 di Oktober pa su representashon di Korsou na Bolivia.
Akisha a biaha di Korsou pa Panama i despues di topa ku otro kandidatanan na Panama, nan a kontinua nan biaha huntu pa Bolivia.
E sertamen mes lo ta 4 di November na Santa Cruz.
E aña aki nan ta konta ku 30 partisipante, muestra ku e sertamen tin bon atenshon i a demostra ku gran mayoria di pais ta usa e plataforma publisitario di e sertamen aki pa nan representantenan ku lo sigui despues pa Miss World i Miss Universe.
Motibu pa kua paisnan manera: USA, Argentina, Philipinas, Ulanda ku no ta den hispanoamerica a join.
Akisha ta un dama inteligente, karismatika i ku un beyesa impreshonante , su eksperensha i konosementu den e mundu di beyesa i pasarela, sigur lo atrae bista di un i tur.
Durante di e sertamen e kandidata lo bai tin tres presentashon ku ta trahe nashonal, trahe di baño i trahe di gala kaminda lo hasi e kandidatanan un pregunta.
Akisha su traje nashonal lo bai ta: “A taste of Curacao Carnival”. Aki Akisha k’e gradisi su Grupo ViVa ku ta bai exhibi su traje den eksterior prome ku e desfila den marcha karnaval di Korsou.
Un danki spesial ta bai na: Sambil Curacao, Mac Duggal, Eline by Eline, Sue Ann Hudson, Mor & Ena’s beauty salon, Alexandra Lew Yen Tai, Kaya Swimwear, Harry Davelaar, CTB, Bob Esprit Gym, Changes Pro Sport, Penha i Gionel Virginie
