Airbnb a renoba acuerdo cu Aruba

PPG Super Descuento
i10 Sedan
SETAR 3GB Free Data den February
RBC Mortgage Switch Campaign 2019

E siman aki, e plataforma digital pa acomodacion y hospitalidad di mas grandi na mundo, Airbnb a firma un acuerdo cu Aruba Tourism Authority y Gobierno di Aruba pa sigui cu e impulso pa un turismo sostenibel na Aruba a traves di ‘home sharing’.

Fabulous Carnival
Cambia, Spaar y Gana

Nan bishita a inicia cu un reunion na Oficina di Turismo, unda a presenta e ultimo desaroyonan, realisacionnan y prestacionnan pa cu Aruba y e region di Caribe. Despues a sigui cu un reunion na Oficina di AHATA. Parti merdia e plataforma Airbnb a firma e Memorandum of Understanding –MoU- na Oficina di Gobierno cu presencia di Minister di Turismo, Salud Publico y Deporte, Danguillaume Oduber, Minister di Finansas, Asunto Economico y Cultura, mr. Xiomara Ruiz-Maduro, CEO di Aruba Tourism Authority, Ronella Tjin Asjoe-Croes y Airbnb Campaign Manager, Public Policy & Communications pa Caribe y Central America, Carlos Munoz.

Ehecutivo di Airbnb den reunion cu ehecutivonan di Aruba Tourism Authority

“Aruba a experencia un crecemento sostenibel di e sector specifico durante e ultimo añanan y nos ta sinti cu, cu e plataforma di Airbnb nos por yega na un segmento diferente di turistanan cu ta interesa di biba manera e localnan mientras cu nan ta experimenta un banda diferente di nos isla” asina Ronella Tjin-Asjoe Croes, CEO di Aruba Tourism Authority a laga sa.

A traves di Airbnb, turismo pa Aruba ta mas accesibel y ta duna un oportunidad amplio na esnan cu ta busca diversidad den estadia durante nan vacacion. Segun estadistica di Airbnb, durante 2018 e anfitrionnan di Airbnb na Aruba a yama bonbini na un alrededor di 47,200 bishitante cu un estadia di aproximadamente seis dia. E turistanan aki a aloha na e 940 anfitrionnan cu a habri nan porta pa ofrece un experencia diferente di nos isla.

Ta bon pa menciona cu e miembronan di Airbnb na Aruba (esunnan cu ta ofrece alohamento na e bishitantenan) ta un grupo hopi diverso: E edad promedio di un ‘host’ ta 48 aña y 77% di e anfitrionnan tin un edad di entre 30 pa 59 aña. Ademas, un host ta ricibi un entrada anual average di USD $ 9.200,-. E total di e ‘listings’ di Aruba riba e plataforma aki ta 2,300 propiedad.

Na e mes momento, e Arubianonan tambe ta eligi Airbnb na momento cu nan biaha pa exterior. Na 2018, 5,100 biahero procedente di Aruba a scoge pa sinti nan mes manera local di e pais ora di biaha.

Comments

comments

Island Finance – Carnaval