AIB Vastgoed lo cumpra ex-Codemsa y huur cu polis

Aunke cu ainda no tin un acuerdo formal, ya caba e reunion inicial ta mustra positivo cu pronto Cuerpo Policial lo por dispone di e edificio di ex-Codemsa, na Cumana # 69, como nan oficina principal y alabes e ward’i polis di Oranjestad. Si tur cos bay manera planea, AIB Vastgoed, un entidad cu ta resorta bou di AIB-Bank lo cumpra e edificio for di RBC Bank, lo renob’e na e necesidadnan di polis, lo manten’e y lo huur’e cu polis pa 5 aña largo. Esaki lo bira e di dos edificio cu AIB Vastgoed ta inverti den dje, despues di esun di ex-John F. Kennedy School.

Pa hopi aña caba polis kier sali for di centro di ciudad, pa por mobilisa mas lihe den caso di un emergencia. Pero nan wowo a pasa riba ex edificio di John F. Kennedy School, despues riba ex edificio di DOW den Paardenbaaistraat, despues riba Brown Building na Wayaca y awor riba e ex edificio di Codemsa na Cumana. Te ainda, cada biaha atrobe, e negosacionnan ta tranca of no ta continua. Di otro banda e Polisnan ta keda den e mesun edificio, cu tur e problemanan cu nan tabatin tur e añanan caba y cu ainda no a soluciona.

Pa lesa e reportahe completo riba e edificio nobo pa Warda di Polis, ken tabata manera caiman na boc’i riu y dicon awor si e acuerdo por bay door, bay riba www.trempan.com pa bo edicion di awe gratis.