Aruba Hotel & Tourism Association (AHATA) ta comparti e preocupacion cu ta bibando den comunidad relaciona cu e aumento inmenso y diripiente di tarifa di awa y coriente. Esaki pa motibo, segun nan ta splica, ta pone un peso financiero riba e consumidonan local. Esaki ta locual nan a skirbi den un carta manda pa director di e planta nacional di awa y tambe copia pa Gobierno, Parlamento y tur stakeholder.
Den e carta nan ta splica cu a revisa e anuncio di aumento di tarifa pa trata di compronde pakico di e aumento, pero ta keda cu cierto pregunta. Y esaki ta e motibo cu nan a manda e carta pa gerencia di WEB cu e speransa di por ricibi contesta rapido y di forma transparente.
