Aglomeracion diasabra anochi: Polis a pone tur bandona sitio

3004

Diasabra anochi a tuma nota di control policial na varios sitio rond nos isla un biaha mas. Linear Park ta un di e sitionan cu frecuentemente mester pidi presencia di polis pa asina pidi tur hende pa bandona sitio y asina evita aglomeracion.

Esaki tabata e caso un biaha mas diasabra anochi den careda di 10:10PM. A constata grupo grandi di vehiculo y hende aglomerando y bebiendo den e parkinglot, cu a pone cu diferente unidad mester a presenta pa asina corecu tur hende for di sitio. Tambe a tuma nota cu e trafico tabata bastante pega pero mes ora polis a dirigi esaki pa asina laga e trafico move mas lihe posibel.

Tin di recorda e comunidad cu regla/ medida di DVG ainda ta na vigor y cu no ta permiti aglomeracion. E pandemia ta ainda keto bay ta afectando nos cumunidad y como tal nos mester atene nos mes na regla.