Sub Inspector Juni Tromp cla pa drenta Warda nos Costa: Problemanan ta escalando

No ta un ni dos, pero ta varios reunion caba e trahadonan di Warda Nos Costa a tene cu Minister Andin Bikker. E mandatario a priminti e sindicato y trahadonan cu lo bin cambio, pero te ainda nada. A duna Gobierno te diabierna awor dia 30 di augustus pa cumpli cu e palabracionnan haci. E problema principal, den bista di e empleadonan, ta e propio Trudy Hassel.

Parce cu varios ilegal a huy y deliberadamente ta sconde tur esaki. Ni Minister ta na altura di varios di e asuntonan aki. E trahadonan ta keha hopi di e trato cu nan ta ricibi di Hassel. Tin un grupo cu ta sigur di nan mes sin miedo y prome cu algo bay robes ta buscando atencion di e Minister via sindicato.

Sindicato y e trahadonan mes a hiba Sub Inspector di Polis cerca Minister. Parce cu ambos grupo ta sostene su candidatura. Minister a bay di acuerdo pa Juni Tromp join y asina trece e trankilidad den Warda Nos Costa, aunke ainda ta pendiente.

E trahadonan ta kehando cu ta mishi cu nan derecho di overtime di trahado y ta presenta rooster un dia prome cu luna nobo cuminsa. Ta considera esaki como un muestra cu ta purba “pest” e trahadonan.

Loader Loading...
EAD Logo Taking too long?

Reload Reload document
| Open Open in new tab

Download [409.73 KB]

Un carta a bay caba pa e Minister cu un deadline pa tuma decision riba palabracionnan basa riba tur e  reunionnan anterior. Si e Minister no haci nada por spera accion di e trahadonan na Warda Nos Costa. Minister lo a aproba e “overplaatsing” di Sub Inspector Juni Tromp for di Cuerpo Policial Aruba pa Warda nos Costa pero ta sinti cu henter e proceso ta tranca y ta tardando innecesariamente.

E trahadonan disgusta a sigura cu e trato eyden ta malo, tanto pa e detenidonan como tambe pa e propio trahadonan di Warda nos Costa. Ta manehando e centro manera un prizon, mientras cu tin stranheronan cera eyden pa varios luna caba, cu de facto no por.