Aruba Food & Beverage Association (i.o) recientemente a tene un encuesta abou di su miembro y no miembronan pa loke ta e experiencia di e sector aki despues di e secundo ola di Covid 19, segun un comunicado emiti pa e asociacion.
- Riba e prome pregunta “Con benta a wordo afecta despues di e secundo ola”:
9% a contesta cu benta a keda mes cos
0% a contesta cu a experiencia mas benta
66% a reporta menos benta y
24% a contesta di ta cera ainda.
- Riba e secundo pregunta “Con e benta a compara cu Augustus aña pasa”:
18% a contesta di a experiencia benta di menos cu 25% compara cu aña pasa
15% a experiencia benta di menos cu 50% compara cu aña pasa
42% a experiencia benta di menos cu 75% compara cu aña pasa
25% a contesta di ta cera ainda
- E di tres pregunta a contesta den ki forma cu restaurantnan ta operando
54% a experiencia di ta habri diario
6% a contesta di a habri den fin di siman
24% ta cera ainda y
16% a scoge di contesta otro loke ta encera cu e dianan cu nan ta habri ta variabel
- Riba e pregunta “Cuanto tempo bo restaurant lo sobrevivi sin loonsubsidie”
12.5% a contesta cu nan por sin loonsubsidie
9.5% lo tin un reserva di un luna y despues lo cera si no tin loonsubsidie
16% lo tin reserva pa dos luna y despues lo cera si no tin loonsubsidie
3% lo pidi pa un prestamo y
59% a contesta di no lo sobrevivi sin loonsubsidie y lo tin cu cera su restaurant.
- Riba e pregunta si lo acerca banco pa un prestamo:
3% a contesta cu SI
70% a contesta cu NO
27% a laga e pregunta aki sin contesta
- Riba e pregunta si a reduci personal
55% a contesta cu SI (ta pensa cu lo ta part timers)
45% a contesta cu NO
- Riba e pregunta si a logra extende permisonan di trabou:
6% a contesta cu SI
66% a contesta cu No
28% a contesta cu e pregunta no ta aplica
- Riba e pregunta si e restaurantnan lo ta mas optimista compara cu juli/august
36% a contesta cu su optimismo compara cu antes no a cambia
4% a contesta di ta mas optimista
60% a contesta di ta menos optimista
- Riba e pregunta si a tuma mas personal den servicio
6% a contesta cu si
94% a contesta cu n0
- Riba e pregunta con grandi e porcentahe ta cu ta pensa cu lo sobrevivi e crisis aki:
25% 6% a contesta cu e chens pa sobrevivi ta 25%
50% 48% a expresa cu lo tin un 50% chens di sobrevivi
75% 40% a expresa cu tin un 75% chens cu nan lo sobrivivi
100% 6% a expresa di pensa cu lo sobrevivi e crisis aki
E encuesta aki ta duna di conoce cu e sector di F&B ta bayendo door di un crisis enorme y sin stabilidad financiero di pais Aruba, sea interno of externo, e sector aki lo experiencia slanan duro unda fallisiment y terminacion di cupo di trabou na gran escala lo ta parti di e panorama aki. Den e luz aki AF&BA (1.o) ta boga pa Aruba expresa su mes mas pronto posibel den forma di un referendum unda ta keda cla ki direccion e pueblo aki kier bay.
For di e encuesta aki a keda cla cu sin loonsubsidie pa e proximo 6 – 12 luna masha hopi restaurant lo cera porta sin un areglo decente pa nan personal ya cu a keda estableci cu no por laga personal bay.
Ta keda estima cu un 200 restaurant segur lo cera su porta prome cu December y un paar di mil empleado lo pasa un Pasco y Aña Nobo den oscuridad.
Pa e motibonan aki AF&BA (i.o) ta para atras e carta cu recien AHATA/ ATIA y KVK a manda pa Gobierno pa laga interes general prevalece y pone nos cas na orden entre e propuesta cu Hulanda a propone cu cambio unda cu por ya cu na otro banda ta spera nos un crash total y pobresa masal.