Aeropuerto: Sarpa lo trece 200 asiento extra for di Colombia

AAA, e compania cu ta maneha y ta opera Aeropuerto Internacioal Reina Beatrix ta sumamente contento di por tabata e afitrion di un conferencia di prensa duna door di SARPA, un aerolinea comercial nobo cu lo opera entre Colombia y Aruba.

SARPA lo bay opera 4 vuelo semanal desde 15 di december entre Medellin y Aruba, regresando pa Baranquilla y tambe vuelonan for di Baranquilla pa Aruba regresando pa Medellin. E vuelonan triangular aki lo crea un 200 asiento mas semanal for di Colombia pa Aruba. 

SARPA tabata conoci caba pa AAA pa su buelonan medico, di ambulancia y charter cu e tawata ehecuta caba y recientemente a lanza nan operacion comercial.

SARPA lo opera e vuelonan for di nan base principal na Medellin cu nan Embraer 145-LR cu 50 asiento y lo ta operando semanalmente riba diaranson y diadomingo. SARPA tin vuelonan for di Medellin pa otro ciudadnan Colombiano tambe manera, Pasto, Riohacha, Valledupar y Villavicencio. Tambe nan lo opera vuelonan for di Medellin pa Corsou.

Carlos Andres Mesa, Presidente & CEO di SARPA, hunto cu Minister di Turismo y Salubridad Danguillaume Oduber, CEO di AAA Joost Meijs, y CEO di ATA, Ronella Croes a anuncia oficialmente e comienso di  SARPA su operacion comercial december binidero.

SARPA pronto lo cuminsa bula pa Aruba

SARPA pronto lo cuminsa bula pa Aruba. https://24ora.news/3l81zfQ

Posted by 24ora on Wednesday, November 24, 2021