Presidente di Parlamento, mr. Juan “Ady” Thijsen a bisa pafo di parlamento cu a aproba e mocion di desconfiansa contra Minister drs. Marisol Lopez-Tromp presenta door di fraccion di MEP. Parce cu tur 21 parlamentario a bay di acuerdo cu dor di Covid 19, por “wijk af” di e reglamento di ordo. Cu esey no ta necesario pa tin 11 parlamentario den sala pa por tin un reunion of pa por vota. Ta aplica cu ta vota cu esunnan presente.
Segun Ady Thijsen, si acaso Minister Marisol Lopez-Tromp ta sinti cu e decision no ta na su luga, e ora e tin cu cana su caminda. Tin un procedura cu e por encamina pa busca un opinion legal.
E presidente di parlamento a laga sa cu Ricardo Croes tambe a bay di acuerdo cu e reunionnan ta bay den afwijking di e reglanan. Y esaki ta algo cu ta sosodiendo durante varios reunion. Awor aki kier haci un issue di dje.
Parlamento ta haci su trabao y ta procedura cu ta sigui. Ady Thijsen ta wak’e como algo masha normal. Thijsen a sigui splica cu e hecho cu Ricardo Croes a vota contra, ta e mester sa y e otro fraccion cu tambe a vota contra. E no tin di haber cu color. Pesey ta carga e responsabilidad di esey.
E otro parlamentarionan tin nan experiencia y ta haci loke nan tin cu haci. Tin compromiso y tin cu atene na dje. Na final Ady Thijsen a bisa “Politica ta cruel”.
