Presidente di Parlamento, Ady Thijsen a comenta den un conferencia di prensa, cu Lejuez a manda su carta y e lo bay haya su contesta.
Thijsen a comenta cu e tin cu carga su responsabilidad tambe, pasobra tur e parlamentarionan ta carga nan responsabilidad. Lejuez sa e procesonan y ta obligacion di Thijsen pa contest’e bek. Ya caba e ta bezig ta preparando su contesta. E ta spera cu e por carga e responsabilidad tambe di su acto y decisionnan cu e ta haci.
E pregunta ta keda si e carta tabata valido pa participa y uza den e Comision Central, mirando cu fisicamente e no tabata tey presente. Thijsen a splica cu Parlamento no ta traha asina y e ta lamenta esey. Pueblo ta paga e parlamentario pa traha. Pueblo ta paga pa e parlamentario tuma e decisionnan.
Si pueblo ta paga pa tuma decision, e mester ta eynan. Cu excepcion si algo a pasa. Por ehempel Parlamentario Michael Lampe na Hulanda. E tin un rason pa no tey. Un hende por tin un rason valido pa e no tey. Pero no por cuminsa manda tur cos manera cu Lejuez a haci.
E carta cu Lejuez a manda Thijsen, ta e contesta, no tin nada di haber cu e reunion di Comision Central. Ta un otro tipo di carta.
Lejuez mester para responsabel si pa e contenido di e carta y Thijsen ta bezig ta contestando, como presidente di Staten.
