Consul General di Merca, Margaret Hawthorne, a ricibi bishita di Comandante di US Southern Command (USSOUTHCOM), Admiral Craig S. Faller, riba diaranson 13 y diahuebs 14 di februari.
Esaki ta e prome bishita di Admiral Faller na Caribe Hulandes, desde cu a promove como Comandante di SOUTHCOM dia 26 di november 2018, responsbel pa tur cooperacion di siguridad di e Departamento di Defensa den 45 nacion y teritorionan di Centro America, Sur America y di Caribe.
Den su prome 90 dianan como Comandante di SOUTHCOM, el a bishita Colombia, El Salvador, Guatemala, Honduras, Trinidad y Tobago, Brasil y awo Corsou. Ta scucha e perspectiva, preocupacion y ideanan di e nacionnan socio y expresa compromiso di e comando y su asociacionnan duradero cu militar y forsanan di siguridad den e region.
Consul General Hawthorne a bisa “E bishita di nivel halto aki ta demostra e importancia cu Merca tin pa uni na nos cooperacion cu e islanan di Caribe Hulandes y ta reforsa e asociacion mutuo y beneficioso cu nos tin riba un serie di cuestionnan importante.”
Admiral Faller a topa cu Gobernador Lucille George-Wout y Prome Minister Eugene Rhuggenaath, den reunionnan separa, pa expresa aprecio di parti di Merca door di ta aloha e ubicacion di Operacionnan Avansa di Merca (USFOL) y e generoso asociacion di Corsou y contribucionnan significativo pa contraresta e fluho di droga ilegal den henter e region.
E mision di USFOL na Corsou y Aruba ta defini den un acuerdo bilateral entre Merca y Reino Hulandes y tur e operacionnan cu ta tuma luga na USFOL ta limita na actividadnan cu ta detecta y monitorea e trafico ilicito di droga.
Admiral Faller a asisti na e inauguracion di e plakkaat conmemorativo di USS Erie na Koredor na honor di esunnan cu a sacrifica nan mes na defensa di nos libertad. Mientras cu e tabata sirbi como e escolta principal pa un convoy, a torpedia USS Erie dia 12 di November 1942 door di un submarino Aleman, poco kilometer leu for di e costa di Corsou.
