Diaranson den careda di 8:50 di mainta polis a bin topa un adicto banda di AIB, cu ta keda banda di Warda di Polis na Playa.
Den combersacion cun’e el a splica e Polisnan cu un otro adicto dal’e cu algo y a causa di esey el a haya e kap na su cabes y tawata tin basta sanger tabata core for di e lesion.
Por a nota cu e herido tabata compaña pa su mascota, un cacho. Tristo ta, segun el a conta e Polisnan, esun cu a dal’e ta un persona cu el a permiti pa keda na e mesun caminda cu e ta kedando.
No ta conoci exactamente kico tabata e motibo, pero aparentemente lo tabatin pleitamento pa e cacho. Ambulance a bini na e sitio, pero e adicto a cana bay pasobra el a rabia cu nan a tarda hopi y a bisa cu e no mester di nan mas.
Un rato despues Polisnan a topa cu e adicto responsabel, net patras di caya grandi, y a detene mesora.
