Adi Rasmijn: Ministernan luchando ferozmente pa gana algun voto y purba di manda un ‘harpun’ den nos leynan.

1390

Adi Rasmijn: Siman pasa, riba dia 30 di juli, a publica un articulo den matunino Bon dia Aruba ‘Ley di Naturaleza aplica inhustamente’ cu a hala mi atencion riba algun punto:

1) Otro punto cu e autor di e articulo ta usa como argumento, e articulo 14 di SPAW NO ta referi na spearfishing como piscamento tradicional – spearfishing den nos lama NO ta algo di, digamos, mas di 50 aña pasa; pues, no ta tradicional; seguramente spearfishing cu SCUBA ta algo relativamente recien.

2) Nan ta grita ‘foulplay’ pasobra e director cu sombre mes a bisa cu no tin data pa mustra cu cierto especienan den nos awanan ta corriendo peligro di extinction. Mi remarke: kisas NOS no tin data – pero organisacionnan internacional riba cual e director ta basa su prohibicion SI tin data ! Pues, si nan bisa cu e existencia di cierto especienan den Caribe a bay atras dramaticamente, esey por lo general ta conta pa nos awanan tambe !

3) Nan ta bisa cu “piscadornan ta kere cu por regula e asunto masha bon” – pero lamentablemente nan a menciona NINGUN regla ! Hey, menciona mi por lo menos cinco – cinco regla cu nos autoridadnan policial por controla facilmente. Pa varios decada e idea tabata pa permiti, bou cierto condicionnan, spearfishing solamente PANORD di e isla.

Dialuna 3 di augustus, dos articulo amplio den matutino Bon Dia Aruba, esta “Bikker ta sigui pusha e practica (uso di harpun) a pesar di decision di Hoge Raad” y “Proposicion ‘gedoogbeleid’ pa uso di harpun a faya na 2005”, ta ofrece un bon vista di e trajecto hudicial di e lucha pa pone e leynan cu ta proteha nos naturaleza marino ‘temporalmente’ un banda. Manera nos tur sa, ‘temporalmente’ casi
semper ta bira ‘eternamente’ den cualkier gobierno ……