Adem: Efectonan preventivo no ta funciona manera mester ta

765


Via un comunicado di Rijksinstituut voor Volksgezondheid en Milieu (RIVM) na Hulanda, a duna e cifra di victima cu a fayece di coronavirus. Esaki tabata un golpi bastante fuerte mirando cu por conclui cu na dado momento e efectonan preventivo no ta funciona. Den e ultimo 24 ora a contagia 770 persona y awo na Hulanda tin 19.580 caso.

Esnan cu a keda interna den hospital den e ultimo 24 ora, a registra 292 acerca. Segun Godfried Adem di Amsterdam, e total di personanan interna na hospital ta 7.427. Pa prome biaha di e 24 dianan aki, desde 13 di Maart, cu a registra cantidad di persona cu a perde nan bida, e cifra aki a aumenta. Esaki ta e cifra di mas halto cu tur e otro 24 dianan registra. Den e ultimo 24 oranan ta conta cu 234 persona a perde nan bida. Asina aki ta yega na e total di 2.101 a perde nan bida.

Adem: Efectonan preventivo no ta funciona manera mester ta

Adem: Efectonan preventivo no ta funciona manera mester ta

Posted by 24ora on Tuesday, April 7, 2020

Algun dia pasa expertonan a duna di conoce cu despues di pasa e luna di April por yega na e cifra di 2000. Awo a registra e cifra aki den e prome siman di April, segun Adem. E pronosticonan aki no tabata corecto. Un discusion cu a surgi den e mundo di cuido y medico, ta e tipo di masknan cu profesionalnan medico y enfermeria mag di uza.

Un mask segun expertonan y hospital Reinier de Graaf na Den Haag, cu por uza y ta proteha un persona contra tur tipo di virus, sigur contra esun di coronavirus, ta e FFP 2. E ta un tipo di mask cu tin 2 construccion y por bisti’e na 2 forma. E parti abou di e mask mester ta bon poni pa asina seal e boca y nanishi na un forma cu nada por drenta.

E discusion cu tin rond di proteccion, ta cu comunidad ta puntra despues di un publicacion di “nieuws uur” cu algun dia pasa a sali di un experto Ingles biba na Hong Kong. E experto a publica e informacion aki den e revista cientifico Nature ‘ta cu si ta berdad cu henter e comunidad ta bon pa proteha cu mask’. Te na e momentonan aki autoridadnan di gobierno riba conseho di Outbreak management team, ta bisa cu esaki no ta necesario.

Den parti Sur di Hulanda e cifranan ta aumentando. Na Limburg y Noord Brabant e cantidad di persona interna den hospital no ta bahando. Den e area aki tur personanan interna a sigui aumenta den e ultimo 24 oranan. Esaki ta mustra cu e no ta bou di control.