Adaptacion chikito forma pago di bijstand

Departamento di Asuntonan Social (DAS) den un conferencia di prensa a anuncia un adaptacion chikito den e sistema di pago di bijstand cu mester tuma luga e fin di siman aki.

Ta pidi tur hende cu ta cobra Bijstand pa tene cuenta cu e cambionan. Si bo bay na e ora di semper y tin cambio, no ta haya pago, pasobra e placa ta exacto. Si e cambio ta bisa bo tin cu bay riba diabierna, ta riba e fecha aki mester acudi.

DAS: Dunando informacion riba pago nan di Bijstand

Posted by 24ora on Wednesday, April 1, 2020

E pago di april ta tuma luga e fin di siman aki. E pago di bijstand ta tuma luga diabierna awo, pa esnan cu normalmente ta cobra Bijstand na Postkantoor Playa y San Nicolas. Pero solamente pa esnan cu nan fam ta cuminsa cu letter A te cu K.

Y diasabra esnan di faam L te cu Z por cobra na nan luga di semper cu ta Post Kantoor San Nicolas of Playa, y MFA Savaneta. Esnan cu ta cobra na MFA Savaneta ta cobra normalmente riba diasabra, pero mainta ta paga di faam A te cu K di 8’or di mainta pa 12’or di merdia, y di 1’or di merdia pa 5’or di atardi ta atende fam L te cu Z.

Esnan cu ta cobra na MFA Sta Cruz, Paradera y Noord no tin cambio. Pues nan ta cobra normalmente riba diasabra, di 8’or pa 12’or di merdia.

Den cuadro di e prohibicion di aglomeracion, tin algun rekisito cu esnan cu ta cobra bijstand mester sigui. No por bini cu mucha, percura pa nan keda cas bou vigilancia; hendenan grandi por drenta prome. Si bo ta interna den hospital, informa trahado social di hospital pa regla e asunto di mas lihe posibeo pabo, por lo menos prome cu diabierna. Un cobrado di bijstand cu ta den cuarentena, por cobra un otro persona pa cobra den su nomber. Mester traha un carta firma, cu cedula valido di ambos persona. Laga e persona hiba e carta pa DAS prome cu e dia di cobra, pa regla e apoderacion cu por cobra pa e persona malo. Si bo ta un persona vulnerabel, tambe por duna un hende apoderacion pa haci e cobransa pabo.

MFA y Postkantoor ta hopi estricto cu reglanan y no ta permiti pa ningun cobrado bay compaña.